Avropada ölkəmizi təmsil edəcək komandaların ilkin mərhələdə qarşılaşacağı potensial rəqiblərin kimliyi bəllidi.

Belə ki, “Qarabağ” Avropanın ən mötəbər klub turniri sayılan Çempionlar Liqasında 2-ci təsnifat mərhələsindən mübarizəyə qoşulacaq. Ağdamlıların bu mərhələdən başlamasının əsas səbəblərindən biri də “Real”ın ÇL-i qazanmasıdı. “Köhlən atlar”ın qatılacağı 2-ci təsnifat mərhələsinin oyunları iyulun 23-24-ü və 30-31-də keçiriləcək. ÇL-nin 1-ci təsnifat mərhələsində 28 komanda mübarizə aparacaq. 2-ci təsnifat mərhələsinin püşkündə yarışa bu mərhələdən qatılacaq 10 klub və 14 cüt iştirak edəcək. 2-ci təsnifat mərhələsinə “Qarabağ”la yanaşı qoşulacaq klublar: "Ferentsvaroş" (Macarıstan), PAOK (Yunanıstan), “Budo/Qlimt” (Norveç), “Midtulland” (Danimarka), “Malmö” (İsveç), “Sparta” (Çexiya), APOEL (Cənbi Kipr), “Makkabi” (Təl-Əviv, İsrail), “Yagelloniya” (Polşa). Bu komandalar 2-ci təsnifat mərhələsində Ağdam təmsilçisinin potensial rəqibləridi.

Avropa Liqasında mübarizə aparacaq komandamız isə “Zirə”di. “Qartallar” turnirə 1-ci təsnifat mərhələsindən qoşulacaq. Bu mərhələdə 12 komanda mübarizəyə başlayacaq. Qəsəbə təmsilçisi “səpələnməmişlər” sırasında yer alacaq. Püşkdə “Zirə”yə “səpələnmişlər” səbətindən “Şerif” (Moldova), “Visla” (Polşa), “Maribor” (Sloveniya), “Pakş” (Macarıstan), “Pafos” (Cənubi Kipr) və “Tobol” (Qazaxıstan) klublarından biri düşəcək.

Konfrans Liqasında isə iki komandamız mübarizə aparacaq: “Sabah” və “Sumqayıt”. Hər biri turnirə 2-ci təsnifat mərhələsindən başlayacaq. Konfrans Liqasının 2-ci mərhələsində ümumilikdə 100 klub çıxış edəcək Həmin komandaların arasında isə "Sabah"la "Sumqayıt"ın potensial rəqibləri bunlardı: "İstanbul BŞ" (Türkiyə), ÇFR (Rumıniya), "Legiya" (Polşa), "Makkabi" (Hayfa, İsrail), "Hapoel" (Beer Şeva, İsrail), “Yurqorden” (İsveç), “Qou Ehed İqlz”(Niderland), “Omoniya” (Kipr), “Vitoriya” (Portuqaliya), “Astana” (Qazaxıstan), "Riqa" (Latviya), "Olimpiya" (Sloveniya), "Dnepr-1" (Ukrayna) ), AEK (Yunanıstan), "Zrinski" (Bosniya və Hersoqovina), "Hayduk" (Xorvatiya), "Osiyek" (Xorvatiya) , “Spartak” (Trnava, Slovakiya), AEK (Cənubi Kipr), “Austriya” (Vyana, Avstriya), “Vaduts” (Lixtenşteyn), “DAK 1904” (Slovakiya), “Fehervar” (Macarıstan), “Banik” (Çexiya), “Sent-Mirren” (Şotlandiya), “Universitet” (Krayova, Rumıniya), “Bröndbü” (Danimarka), “Sürix” ( İsveçrə), “Sankt-Qallen” (İsveçrə).