Avstriya futboluna itki üz verib. Aleksander Manninger dünyasını dəyişib.

"Football-plus.az" xəbər verir ki, sabiq qapıçı aprelin 16-da 48 yaşında avtoqəzada həlak olub. Peşəkar karyerasına 1995-ci ildə yetirməsi olduğu “Zaltsburq”da başlayan Aleksander futbolçu həyatında 13 klubun formasını geyib. O, daha çox 1997-2001-ci ildə heyətində olduğu “Arsenal”dakı çıxışı ilə tanınıb. Karyerasını 2016/17 mövsümündə formasını daşıdığı “Liverpul”da başa vuran qapıçı Avstriya yığmasında 33 oyun keçirib.