''Qalatasaray''ın ulduzu Viktor Osimhen bu dəfə meydandan kənar bir olayla gündəmə gəlib.

"Football-plus.az" xəbər verir ki, ''Mercedes Bens''in İtaliyadakı filialı nigeriyalı hücumçudan ''Karabinyeri''yə resmi şikayət ünvanlayıb.

''Karabinyeri'' İtaliyanın Müdafiə Nazirliyinin tabeliyində olan xüsusi bir polis bölməsidi. Onun vəzifəsi insanların hüquqlarını müdafiə etmək və qanunların riayət edilməsinə nəzarət etməkdi. Şikayətin səbəbinə gəlincə, Osimhen 2023-cü ildə ''Napoli''də oynayarkən hibrid motorlu bir ''Mercedes GL'' markalı maşını şirkətdən icarəyə götürüb. Tərəflər arasında bununla bağlı rəsmi müqavilə imzalanmışdı. İndi şirkətin iddiasına görə Osimhen maşının faizlərini ödəməyib. Söhbət 90 min avroluq məbləğdən gedir.

Bundan başqa icarə müddəti tamam olduqdan sonra Osimhen maşının açarlarını geri qaytarmalı idi. Amma o, hələ də bunu etməyib. Şikayətin ardından məsələ ilə bağlı araşdırma başlanılıb.

Qeyd edək ki, 27 yaşlı futbolçu ''Qalatasaray''ın heyətində ardıcıl ikinci çempionluğunu qazanmaq üzrədi. Bu mövsüm o, 31 rəsmi oyunda aktivinə 20 qol, 7 məhsuldar ötürmə yazıb.