Martin Edeqor yayda “Arsenal”ı tərk edə bilər.

"Football-plus.az" xəbər verir ki, “TopSkills Sports UK” nəşrinin məlumatına görə, norveçli futbolçuçun baş məşqçi Mikel Arteta ilə münasibətləri kəskinləşib. Martin həm rəhbərlik, həm də məşqçilər heyəti tərəfindən kifayət qədər dəyərləndirilmədiyini düşünür. Xüsusilə son bir neçə ayda ona verilən vədlərin yerinə yetirilməməsi Edeqoru klubdan ayrılmaq qərarına sövq edib.

Məlumata görə yarımmüdafiəçiyə “Bavariya” maraq göstərsə də, o, karyerasını “Mançester Yunayted”də davam etdirmək niyyətindədi.

Edeqorun “Arsenal”la müqaviləsinin müddəti 2028-ci ilin yayına qədərdi. Cari mövsümdə 27 matçda meydana çıxan 27 yaşlı oyunçu 1 qol və 7 məhsuldar ötürmə ilə yadda qalıb.