Markus Reşford gələn il klubunu dəyişə bilər.

“Bavariya” rəhbərliyi “Mançester Yunayted”in futbolçusunu transfer etmək istəyir. Bu barədə “TEAMtalk” məlumat yayıb. İngiltərəli futbolçuya Münhen klubu ilə yanaşı, PSJ və “Marsel” də maraq göstərir. “Bavariya” rəhbərliyi Markus üçün mübarizədə rəqiblərini qabaqlamaq niyyətindədi.

26 yaşlı hücumçu cari mövsümdə bütün turnirlərdə 13 matçda iştirak edib, 4 qol vurub və 3 məhsuldar ötürmə edib. Reşfordun MY ilə müqaviləsinin müddəti 2028-ci ilin yayına qədərdi.