Dünən Türkiyənin avrokuboklardakı digər təmsilçiləri də pley-offun cavab matçına çıxdılar.

"Football-plus.az" xəbər verir ki, Avropa Liqasında çıxış edən ''Fənərbaxça'' ''Nottingem Forest''lə dueldə evdəki 0:3 hesablı məğlubiyyətdən sonra İngiltərəyə ümidsiz yollanmışdı. Hərçənd komanda kifayət qədər yaxşı performans sərgilədi və hətta bir müddət intirqanı bərpa da etdi.

Kərəm Aktürkoğlunun biri penaltidən olmaqla ilk 48 dəqiqədə vurduğu iki qol komandanı ümidləndirdi. Amma ümumi hesabı bərabərləşdirmək mümkün olmadı. Bu azmış kimi Hadson-Odoi 68-ci dəqiqədə qollardan birinin əvəzini çıxaraq ''Fənər''in işini çətinləşdirdi. Oyunda başqa qol olmadı və 2:1 hesablı qələbəyə rəğmən İstanbul nəhəngi üçün bu mövsüm avrokubok macərası başa çatdı.

''Fənərbaxça'' XXI əsrdə ilk dəfə, tarixində isə cəmi ikinci dəfə səfərdə İngiltərə klubunu məğlub etdi. Kərəm Aktürkoğlu isə avrokuboklarda bu mövsüm 6 qol həddinə çatmaqla şəxsi rekordunu yenilədi. O, ''sarı-lacivərdlilər''in heyətində bir mövsümdə avrokuboklarda ən çox qol vuran 3 yerli futbolçudan birinə çevrildi.

Daha öncə İrfan Can Kahveci (2023/24) və Tuncay Şanlı (2006/07) da 6 qol həddinə çatmışdı. Konfrans Liqasında mübarizə aparan ''Samsunspor'' isə gözlənildiyi kimi ciddi problem yaşamadan adını 1/8 finala yazdırdı. Səfərdə ''Şkendiya'' üzərində minimal hesablı qələbədən sonra Samsun təmsilçisi evdə Şimali Makedoniya klubuna 4 cavabsız qol vuraraq avrokuboklarda tarixinin ən böyükhesablı qələbəsini qazandı. ''Samsunspor'' avrokuboklarda 20-ci oyunda 11-ci qələbəsini (2 heç-heçə, 7 məğlubiyyət).

Maraqlıdı ki, ''Samsunspor'' avrokuboklarda ən azı 10 oyuna çıxan Türkiyə təmsilçiləri arasında ən yüksək (55) qələbə faizinə malik olan kollektivdi.

''Ağ-qırmızılar'' növbəti mərhələdə ya Arda Turanın çalışdırdığı ''Şaxtyor'', ya da İspaniya təmsilçisi ''Rayo Valyekano'' ilə qarşılaşacaq.