“Qarabağ”ın oyunu üçün bilet qiymətində artım var?

Çempionlar Liqasının pley-off mərhələsində ilk qarşılaşmanı evdə keçirəcək “Qarabağ”ın “Nyukasl”la oyununa biletlər tükənmək üzrədi. Satışın elə ilk günündə 18750 biletin sahibini tapması çox şeydən xəbər verir.

Sosial mediada isə qiymətlərin liqa mərhələsi ilə müqayisədə qalxdığı bildirilir. Lakin “Ayntraxt” və “Nyukasl” ilə oyunların bilet qiymətlərini müqayisə etdikdə heç bir dəyişiklik görmədik, qiymət sabitdi.

Qeyd edək ki, ən ucuz bilet 10, ən baha isə 1000 manata satılıb.

Xatırladaq ki, oyun fevralın 18-i, saat 21.45-də start götürəcək.

MÜZƏFFƏR QULUZADƏ