Dünən günorta saatlarından etibarən Bakıda “Qarabağ”la “Nyukasl” arasında keçiriləcək Çempionlar Liqasının ilk pley-off oyunu üçün biletlər satışa çıxarılıb.

"Football-plus.az" xəbər verir ki, hazırda tutumu 31 mindən bir qədər çox olan Tofiq Bəhramov adına Respublika stadionunda baş tutacaq matç üçün 18750 bilet satılıb.

Biletlərin qiyməti sektordan asılı olaraq 10, 15, 25, 35, 40, 50, 75, 200, 250, 300, 400 və 1000 manat təşkil edir. Onları yalnız onlayn şəkildə iTicket.az saytında və mobil tətbiqində əldə etmək mümkündür.

Bilet alarkən çətinlik yaranarsa, azarkeşlər "itcket.az" satış məntəqələrinə, Park Bulvar Ticarət Mərkəzində yerləşən klubun fan-şopuna və Tofiq Bəhramov stadionunun kassalarına müraciət edə bilər. Oyuna giriş yalnız QR-bilet vasitəsilə mümkün olacaq.

“Qarabağ” – “Nyukasl” oyunu fevralın 18-də qeyd olunan arenada keçiriləc və saat 21.45-də başlayacaq.