Qazaxıstanı tərk etdi

“Kayrat” aparıcı futbolçularından biri ilə vidalaşıb.

"Football-plus.az" xəbər verir ki, Qazaxıstan klubu Valeri Qromıko ilə müqavilə müddəti başa çatdığı üçün belaruslu yarımmüdafiəçi ilə yolları ayırıb. 29 yaşlı futbolçu 2024-cü ilin yayında “Kaysar”dan “Kayrat”a keçib və qısa müddətdə komandanın aparıcı oyunçularından birinə çevrilib.

Belaruslu yarımmüdafiəçi “Kayrat”la Çempionlar Liqasının liqa mərhələsində çıxış edib. O, Almatı klubunun heyətində keçirdiyi bir il ərzində meydana çıxdığı 57 oyunda 7 qol vurub, 15 məhsuldar ötürmə edib. Qromıko karyerası ərzində Belarusda “Minsk”, “Şaxtyor”, BATE, Rusiyada isə “Arsenal” və “Torpedo” klublarının formasını geyib.