ESPN saytı İngiltərə premyer-liqasında cari mövsümün ən yaxşı futbolçularının yeni reytinqini tərtib edib.

"Football-plus.az" xəbər verir ki, siyahı hazırlanarkən oyun səviyyəsi və statistika ilə yanaşı, futbolçuların meydanda keçirdikləri vaxt və cari sağlamlıq durumlarına xüsusi diqqət yetirilib. Məhz bu səbəbdən Aleksander İsak ilə Ruben Diaş reytinqdən kənarda qalıblar.

İlk onluğa daxil olan futbolçuların siyahısını nəzərinizə çatdırırıq: Erlinq Holann (Mançester Siti), Deklan Rays (Arsenal), Bruno Fernandeş (Mançester Yunayted), Bukayo Saka (Arsenal), Vilyam Saliba (Arsenal), Qabriel Maqalyans (Arsenal), Bruno Gimaraynş (Nyukasl), Moyses Kaysedo (Çelsi), Entso Fernandes (Çelsi), Martin Edeqor (Arsenal).