“Bu gün hava şəraiti “Qarabağ”ın oyununa təsir etməməlidi. Dünənki oyunlar göstərdi ki, “köhlən atlar” məğlub olmamalı, ən azı bir xal qazanmalıdı. Nəzəri tərəfdən “Liverpul”la oyunda da şans olacaq. Bu gün böyük dəstəyin qabağında “Qarabağ” vəziyyəti anlayır, dərk edir. Tam güclərini qoyacaqlar. Hər iki komandanın pley-offa çıxmaq şansı var. Bu şansdan istifadə etmək lazımdı. Arzulayıram ki, çempionumuz bu gün hər birimizi sevindirməyi bacarsın. Biletlərin tükənməməsinə gəlincə, məncə, 21.45-ə qədər bütün biletlər satılacaq və stadion tam dolacaq. “Qarabağ”ı, futbolu sevənləri bu oyuna mən də dəvət edirəm. Sona qədər “Qarabağ”ımıza dəstək olmaq lazımdı”.