Gözlənilən təyinat rəsmiləşdi

“Ayaks”da gözlənilən təyinat rəsmiləşib. Yordi Kroyffun idman direktoru vəzifəsinə təyin olunması ilə bağlı məlumat yayılıb.

"Football-plus.az" xəbər verir ki, Amsterdam klubunun mətbuat xidmətinin məlumatına görə, 51 yaşlı mütəxəssisin fevral ayının əvvəlində vəzifəsinin icrasına başlayacağı gözlənilir. Onunla bağlanan müqavilənin müddəti 2028-ci il iyunun 30-dək qüvvədə olacaq.

Kroyff son illər İndoneziya futbol strukturlarında məsləhətçi kimi fəaliyyət göstərib. O, daha əvvəl “Barselona”da klubun idman istiqamətli inkişafına cavabdeh olub.