Yordi Kroyffun yeni iş yeri məlum olub.

O, bundan sonra Asiyada işləyəcək. “Barselona”nın sabiq idman direktoru Avropadan İndoneziyaya üz tutub.

İndoneziya Futbol Federasiyasının mətbuat xidmətinin xəbərinə görə, o, bu ölkənin milli komandasının idman direktoru təyin olunub. Buna niderlandlı mütəxəssisin həmyerlisi olan Patrik Klyuvertin İndoneziya yığmasını çalışdırması da təsir göstərib.

Xatırladaq ki, əfsanəvi futbolçu Yohan Kroyffun oğlu “Barselona”da idman direktoru vəzifəsində 2022/23 mövsümündə çalışıb.