“Mən komandaya gələndə artıq turnir cədvəlinin sonuncu pilləsindəydik. Liqada qalmağın çətin olacağını bilirdik. Mövsümün ikinci yarısına yaxşı başladıq. Amma düşünürəm ki, bəzi oyunlarda bir az da şansımız çatmadı. Elvin Məmmədov baş məşqçi postuna keçəndən sonra isə bütün oyunçular üçün vəziyyət daha da çətinləşdi. O, taktika və oyunçuların motivasiyası ilə məşğul olmaq əvəzinə, günorta saat 5-də şəki ölçmək kimi əhəmiyyətsiz məsələlərə diqqət yetirirdi. Açıq-aydın böyük təcrübəsi yox idi, halbuki həm ondan, həm də bizdən çox şey gözlənilirdi. Çünki böyük təzyiq altındaydıq və hər oyunu sanki son oyunumuzmuş kimi oynayırdıq. Amma Elvin Məmmədov vəziyyəti daha da çətinləşdirirdi. Bütün oyunçular məyus olmuşdu və buna görə də təəssüf ki, 100 faiz gücümüzlə oynaya bilmirdik”.

“Bu futbolçunun danışığının heç bir əsası yoxdu. Bu haqda rəhbərlik fikir bildirə bilər, futbolçu yox. Bu onun yanlışıdı. Kim nə edirsə, özünə edir. Biz məşqçilər olaraq, o futbolçunun hərəkətlərindən xəbərdar idik. Amma bu barədə nəsə danışmağa ehtiyac da yoxdu. Keçmişdə qalıb. Həm də hər məşqçi hər futbolçu üçün yaxşı olmur”.