Entso Mareskanı istefaya göndərən “Çelsi”nin yeni baş məşqçisi müəyyənləşib.

"Football-plus.az" xəbər verir ki, bu vəzifəyə Liam Rosenyor təyin edilib. 41 yaşlı mütəxəssislə müddəti 2032-ci ilin yayına qədər nəzərdə tutulan müqavilə imzalanıb. Rosenyorun məşqçilik karyerası əsasən İngiltərənin aşağı liqaları ilə bağlı olub. O, “Derbi Kaunti” (1-ci liqa) və “Hall Siti” (çempionşip) klublarında çalışıb. 2024-cü ildən isə “Strasbur”a rəhbərlik edib.

Qeyd edək ki, “Strasbur” və “Çelsi” eyni sahiblərə məxsusdu və Fransa klubu faktiki olaraq London təmsilçisinin farm-klubu hesab olunur. “Strasbur” bu mövsüm Rosenyorun rəhbərliyi altında Konfrans Liqasının qrup mərhələsini qalib kimi başa vurub və hazırda Liqa 1-də 7-ci yeri tutur.