Azərbaycanda 2025-ci ilin ən yaxşı futbol məşqçisinin adı məlum olub.

"Football-plus.az" xəbər verir ki, "komanda.az" saytının jurnalistlər arasında keçirdiyi ənənəvi sorğuda “Qarabağ”ın baş məşqçisi Qurban Qurbanov digər namizədləri böyük fərqlə qabaqlayaraq, birinci yeri tutub. Mütəxəssis 63 jurnalistin qatıldığı sorğuda 58 səs toplamaqla, 2025-ci ilin ən yaxşı məşqçisi seçilib. Bununla da, o, 15-ci dəfə Azərbaycanın ən yaxşı məşqçisi adını qazanıb.

Sorğuda iştirak edənlərdən 2-si son mövzümdə “Sabah”a ölkə kubokunu qazandıran Vasili Berezutskiyə, 1-i “Zirə”nin “sükanı arxasında” olan Rəşad Sadıqova, 1-i “Araz-Naxçıvan”ın çalışdırıcısı Elmar Baxşıyevə, 1-i isə milli komandanın və “Şamaxı”nın baş məşqçisi Ayxan Abbasova səs verib.

Xatırladaq ki, “Qarabağ” ötən mövsümdə Qurban Qurbanovun rəhbərliyi altında Misli premyer-liqasında çempionluq sevinci yaşayıb. Bundan başqa, Ağdam təmsilçisi tarixində ikinci dəfə Çempionlar Liqasında əsas mərhələyə yüksəlib. Hazırda bu turnirdə çıxışını davam etdirən “köhlən atlar” “Benfika”, “Kopenhagen” kimi komandaları məğlub edib, “Çelsi” ilə oyunda bərabərə qalıb.