Fransada olduğu kimi, İspaniyada da lider dəyişdi.

"Football-plus.az" xəbər verir ki, şənbə günü qələbə qazanan “Barselona” “Jirona” – “Real” oyununun nəticəsini gözləməyə başladı. Həmin oyun heç-heçə bitincə madridlilər zirvədən endi. Ümumiyyətlə, turnir cədvəlinin ilk dörd pilləsində qərarlaşan komandaları bir-birindən yalnız 1 xal ayırır ki, bu da maraqlı məqamdı.

“Barselona” çempionatda ardıcıl 4-cü qələbəsini qazandı. Londonda qeydə alınan böyükhesablı məğlubiyyət kataloniyalılar “Alaves”lə oyunda motivasiya verməliydi. Ancaq qonaqlar oyuna daha yaxşı başladı. Basklar elə 1-ci dəqiqədə - künc zərbəsinin ardından hesabı açdı. Dərhal özünə gələn “Barsa” 8-ci dəqiqədə tablodakı rəqəmləri eyniləşdirdi – Yamal topu tirin altına göndərdi. Ancaq “Alaves” oyundan qopmadı və 1-ci hissənin ortalarında Xoan Qarsiya Ottonun yaxın məsafədən zərbəsindən sonra komandasını xilas etdi. Və hesab 1:2 əvəzinə 2:1 old – Rafinyanın ötürməsini Olmo qolla tamamladı.

Fasilə ərəfəsində komandalar hərəyə bir təhlükəli vəziyyət yaratdı. Dubl etməyə yaxın olan Yamal topu dirəyə vurdu, Boyenin zərbəsindən sonra top qapının bir neçə santimetrliyindən keçdi. “Alaves” 2-ci hissədə də cəsarətli oynamağa çalışdı, ancaq “Barsa” artıq rəqib hücumçularına boş zona vermirdi. Qol vəziyyətlərinin sayı da o qədər çox deyildi. Hərçənd “Barsa” daha təhlükəli hücumlar qururdu. Sonda bərabərlik qolu üçün irəli atılan basklar daha bir top buraxdılar – Olmo dubl etdi. “Barsa” 126 yaşını qeyd etdiyi gündə turnir cədvəlində zirvəyə yüksəkdi. “Alaves” isə ardıcıl 3-cü oyunda uduzdu.

Bazar günü meydana çıxan “Real” kataloniyalıları zirvədən sala bilərdi. Son iki oyundakı heç-heçə də onları qələbə üçün oynamağa məcbur edirdi. Ancaq Alonsonun növbəti rotasiyaları fonunda “Real” yenə özünün miskin kölgəsini xatırlatdı. Ancaq Mbappe ilə Vinisiusun fərdi ustalığı sayəsində irəlidə təhlükəli vəziyyət yaratmaq mümkün olurdu.

İlk yarıda ən təhlükəli vəziyyət künc zərbəsindən sonra yarandı – Qassaniqa Militaonun təhlükəli zərbəsini çıxardı. Ardından Mbappenin topu əllə ram etdiyini bildirən hakim qolu saymadı. Komandalar paltardəyişmə otağına yollanmağa hazırlaşarkən “Jirona” hesabı açdı. Sıqankovun asmasından sonra Unai gözəl zərbə vurdu. Meydan sahibləri fasilədən dərhal sonra fərqi artıra bilərdi. Ancaq Kurtua Vanatı təkbətək dueldə məğlub etdi. Hissənin ortalarında Vinisiusun qazandığı penaltini Mbappe qola çevirdi.

Madridlilər qələbə qolunu vurmaq üçün yetərincə çox təhlükəli vəziyyət yaratmadı. Heç-heçə hesabını qoruyan “Jirona” elitada qalmaq uğrunda mübarizəni davam etdirir. “Real” isə parlaq oyun göstərməməklə yanaşı, həm də nəticə qazana bilmir.

Liderlərin ən yaxın izləyicisi “Vilyarreal”dı. “Sarılar” hesabat turunda səfərdə “Real Sosyedad”ı məğlub etdi. 57-ci dəqiqədə hesab 0:2 olanda hər kəs oyunun taleyinin həll olunduğunu düşündü. Ancaq San-Sebastyan klubu ardıcıl iki qol vurmağı bacardı. Bu oyunda son sözü Moleyro dedi – 90+5-ci dəqiqədə qələbə topunu vurmaqla “Vilyarreal”a qələbə qazandırdı.

“Atletiko” da hazırda əla formadadı. “Hindular” ilk turda “Espanyol”a uduzandan sonra məğlubiyyət acısı yaşamayıb. Simeonenin komandası çempionatda ardıcıl 6-cı qələbəsini “Ovyedo” üzərində qazandı. Oyunun əvvəlində iki qol vuran Sörlot qalan dəqiqələri formallığa çevirdi.
Turun maraqla gözlənilən oyunlarından biri də Sevilya derbisi idi. Derbidə iki qol vuruldu, nominal meydan sahiblərindən Romero 84-cü dəqiqədə qovuldu, 88-ci dəqiqədə “Sevilya”nın ultasının əyləşdiyi sektordan meydana kənar əşyalar yağmağa başladı. Belədə komandaları paltardəyişmə otağına aparan referi oyunu 15 dəqiqə sonra bərpa etdi. “Betis” həmin vaxta qədər artıq oyunun taleyini həll etmişdi.

“Xetafe” “Elçe”yə, “Espanyol” “Selta”ya bir qolla qalib gəldi. “Malyorka” – “Osasuna” oyunu “sülh”lə bitdi. Evdə “Atletik”ə 0:2 uduzan “Levante”nin baş məşqçisi Xulian Kalero oyundan sonra istefaya göndərildi.

14-cü tur
Barselona – Alaves 3:1
Yamal, 8. Olmo, 26; 90+3 – İbanyes, 1. (44834)
Barselona: X.Qarsiya, E.Qarsiya (Kunde, 46), Kubarsi (Kristensen, 84), Martin, Balde, Kasado, Bernal (Reşford, 46), Olmo, Yamal, Rafinya (Pedri, 60), Levandovski (Torres, 60).

Jirona – Real 1:1
Unai, 45 – Mbappe, 67-p. (14005)
Real: Kurtua, F.Qarsiya (Karreras, 90), Rüdiger, Militao, Aleksander-Arnold (Q.Qarsiya, 90), Çuameni (Rodriqo, 72), Valverde, Bellingem, Vinisius, Gülər (Kamavinqa, 46), Mbappe.

Atletiko – Ovyedo 2:0
Sörlot, 16; 26. (61305)
Atletiko: Oblak, Molina, Pubil, Lanqle, Hantsko, Qonsales (Ximenes, 88), Baena (Simeone, 46), Koke (Raspadori, 75), Qallaher, Qrizmann (Barrios, 63), Sörlot (Alvares, 63).

Real Sosyedad – Vilyarreal 2:3
Soler, 60. Barreneçea, 87 – Peres, 31. Moleyro, 57; 90+5. (30140)

Sevilya – Betis 0:2
Fornals, 54. Altimira, 69. (42580)

Xetafe – Elçe 1:0
Arambarri, 56. (7697)

Selta – Espanyol 0:1
K.Qarsiya, 87. (20031)

Malyorka – Osasuna 2:2
Muriqi, 62-p.; 66 – R.Qarsiya, 82. Boyomo, 90+2. (15457)

Levante – Atletik 0:2
Navarro, 3. N.Uilyams, 42. (19848)

Rayo Valyekano – Valensiya 1:1
Mendi, 37 – D.Lopes, 64. (11267)

1. Barselona 14 11 1 2 39-16 34
2. Real 14 10 3 1 29-13 33
3. Vilyarreal 14 10 2 2 29-13 32
4. Atletiko 14 9 4 1 27-11 31
5. Betis 14 6 6 2 22-14 24
6. Espanyol 14 7 3 4 18-16 24
7. Xetafe 14 6 2 6 13-15 20
8. Atletik 14 6 2 6 14-17 20
9. Rayo Valyekano 14 4 5 5 13-15 17
10. Real Sosyedad 14 4 4 6 19-21 16
11. Elçe 14 3 7 4 15-17 16
12. Selta 14 3 7 4 16-19 16
13. Sevilya 14 5 1 8 19-23 16
14. Alaves 14 4 3 7 12-15 15
15. Valensiya 14 3 5 6 13-22 14
16. Malyorka 14 3 4 7 15-22 13
17. Osasuna 14 3 3 8 12-18 12
18. Jirona 14 2 6 6 13-26 12
19. Levante 14 2 3 9 16-26 9
20. Ovyedo 14 2 3 9 7-22 9

Bombardirlər: Mbappe (Real) - 14, Levandovski (Barselona), Muriqi (Malyorka) – 8, Alvares (Atletiko), Torres (Barselona) – 7.

Növbəti turun oyunları dekabrın 5-8-i aralığında keçiriləcək: Ovyedo – Malyorka, Vilyarreal – Xetafe, Alaves – Real Sosyedad, Betis – Barselona, Atletik – Atletiko, Elçe – Jirona, Valensiya – Sevilya, Espanyol – Rayo Valyekano, Real – Selta, Osasuna – Levante.

Turun rəqəmi
9 – “Barselona”nın start heyətində son 66 ildə ilk dəfə bu qədər kataloniyalı yer almışdı. Klubun 126 yaşını tamamladığı gündə Flik Kataloniyada doğulan 9 futbolçuya şans vermişdi. Bunlar Xoan Qarsiya, Aleks Balde, Pau Kubarsi, Jerar Martin, Erik Qarsiya, Mark Kasado, Mark Bernal, Dani Olmo və Lamin Yamal idi. Xoan Qarsiya və Martin istisna olmaqla qalanı klubun gənclər akademiyasının yetirməsidi.

Turun ulduzu
Dani Olmo (Barselona) – müdafiəçilərin nəzarətindən tez-tez yayınır, zərbə mövqeyinə çıxırdı. Hər hissədə bir qol vurmaqla “Barsa”nın qələbəsinə böyük töhfə verdi.

Turun sitatı
“Real” TV-nin “Jirona” ilə oyunla bağlı şərhindən:

Faktlar
* “Real” penalti sayına görə mövsümün lideridi. “Jirona” ilə oyunda cari mövsümdə 7-ci dəfə madridlilərin xeyrinə penalti təyin olundu. “Real” bu 7 penaltidən beşini qola çevirib. Klub tarixində ilk dəfə 14 turda rəqiblərin əleyhinə 7 penalti təyin olunub. 2024/25 mövsümü də belə başlamışdı.
* Cari mövsümdə 14 qol vuran və 3 məhsuldar ötürmə verən Mbappe La Liqada “qol+ötürmə” göstəricisində liderdi. 2-ci yerdə qərarlaşan Levandovski 9 (8+1) xal toplayıb.
* “Real” çempionatda ardıcıl 3-cü oyunda heç-heçə etdi. “Jirona”ya qədər “Elçe” (2:2) və “Rayo Valyekano” (0:0) ilə oyunlar da heç-heçə bitmişdi. Komanda sonuncu dəfə bu ilin fevralında La Liqada ardıcıl üç oyunda qalib gələ bilməyib. Onda iki heç-heçə və bir məğlubiyyət olmuşdu.

Oyundan sonra
Hans-Diter Flik, “Barselona”nın baş məşqçisi:
Xabi Alonso, “Real”ın baş məşqçisi: