Stiven Cerrardın gələn ilin aprelinə qədər Böyük Britaniyanın hər hansı klubuna rəhbərlik etməyəcəyi gözlənilir.

"Football-plus.az" xəbər verir ki, İngilis mütəxəssisin fəaliyyətinə fasilə verməsi vergi qanunvericiliyi ilə əlaqədardı. Belə ki, yanvarda Səudiyyə Ərəbistanının “Əl-İttifaq” klubundan ayrılan Cerrard yaz fəslinə qədər Böyük Britaniyada işə başlayarsa, Səudiyyə Ərəbistanındakı qazancının 45 faizini vergi kimi ödəmək məcburiyyətində qalacaq.

Adı son vaxtlar “Midlsbro” və sabiq komandası “Reyncers”lə hallanan 45 yaşlı çalışdırıcı maliyyə itkisinə yol verməmək üçün müvəqqəti olaraq gələn təklifləri geri çevirib.