Qırğızıstanda mövsümü 3-cü yerə bitirən “Abdış-Ata” bir neçə futbolçu ilə vidalaşdı ki, onların arasında həmvətənlərimiz – hücumçu Mirabdulla Abbasovla yarımmüdafiəçi İlkin Muradov da var. Onlar iyulda bu klubla mövsümün sonuna qədər müqavilə imzalamışdılar.

Heç şübhəsiz, ayrılığın əsas səbəbi azərbaycanlı futbolçuların ümidləri doğrultmamasıdı. Bəzi həmkarlarımız Mirabdullanın iyuldan bəri meydana çıxdığı 6 oyunda 1 qol vurduğunu yazsa da, heç də belə deyil.

Konkret soccerstand.com saytında Qırğızıstan çempionatının son mövsümündə hətta 1 qol vuran futbolçuların da adı yazılıb.

Məsələn, azərbaycanlılar – Orxan Əliyev 7, Ramin Əhmədov 5, İldar Ələkbərov 2, Dmitri Nağıyev 1 qol vurub. Mirabdulla isə bir dəfə də fərqlənməyib. 30 yaşlı hücumçu Allahın Qırğızıstanında da qol vura bilmirsə, “Abdış-Ata” onu niyə saxlasın ki?!

ORXAN