Çempionlar Liqasında (ÇL) liqa mərhələsinin 4-cü turunun matçlarından sonra həftənin ən yaxşı futbolçusu müəyyənləşib.

Bu ada Filip Foden (Mançester Siti), Mikel Merino (Arsenal), Karluş Borjeş (Brügge) və Viktor Osimhen (Qalatasaray) namizəd göstərilmişdi. Foden, Merino və Borjeş rəqib komandanın qapısından iki, Osimhen isə üç top keçirmişdi.

Həftənin ən yaxşı futbolçusu UEFA-nın saytında azarkeşlər arasında keçirilən sorğunun nəticəsində müəyyənləşib. Qalib adını “Mançester Siti”nin yarımmüdafiəçisi Foden qazanıb. İngiltərəli futbolçu Dortmund “Borussiya”sı ilə oyunda (4:1) dubl etmişdi.