Milli Hokkey Liqasında keçirilən oyunlarla bağlı bəzi maraqlı məqamlar var.

"Football-plus.az" xəbər verir ki, “Aylenders” – “Vaşinqton” oyunu paytaxt təmsilçisinin 4:2 hesablı qələbəsi ilə bitib.

“Kepitalz”ın kapitanı Aleksandr Oveçkin bu görüşdə məhsuldar ötürmə ilə yadda qalıb. Rusiyalı hücumçu buz üzərinə 40 il 24 günlüyündə çıxıb. Bununla da o, klub tarixinə yaşı 40-ı ötəndən sonra xal toplayan üçüncü hokkeyçi kimi düşüb. Daha əvvəl bu uğura yalnız Daq Monsla Zdeno Xara nail olub.

Oktyabrın 12-də keçirilən “Kolorado” – “Dallas” oyunu meydan sahiblərinin müdafiəçisi Brent Berns üçün əlamətdar olub. Belə ki, müntəzəm çempionatda 1500-cü oyununu keçirib. 40 yaşlı kanadalı MHL tarixinə müntəzəm çempionatda 1500 oyun həddinə çatan 23-cü hokkeyçi kimi düşüb. Bu göstəricidə rekord “San-Xose”nin sabiq forvardı Patrik Marloya məxsusdu (1779).

Fəaliyyətdə olan hokkeyçilər arasında da 1500 həddinə yaxınlaşanlar var. Yuxarıda adını çəkdiyimiz Oveçkin müntəzəm çempionatda 1493, “Los-Anceles”in forvardı Anje Kopitar isə 1457 oyun keçirib.

11 oktyabr
Vinnipeq – Los-Anceles 3:2 (1:0, 1:2, 1:0)
Kalqari – Sent-Luis 2:4 (1:0, 1:2, 0:2)

12 oktyabr
Aylenders – Vaşinqton 2:4 (0:2, 1:2, 1:0)
Boston – Baffalo 3:1 (1:0, 1:0, 1:1)
Detroyt – Toronto 6:3 (0:2, 3:0, 3:1)
Karolina – Filadelfiya 4:3 OT (0:1, 3:1, 0:1, 1:0)
Pittsburq – Reyncers 1:6 (0:1, 1:3, 0:2)
Tampa-Bey – Nyu-Cersi 3:5 (0:3, 2:0, 1:2)
Florida – Ottava 6:2 (2:1, 2:0, 2:1)
Çikaqo – Monreal 2:3 (0:0, 2:2, 0:1)
Minnesota – Kolambus 4:7 (0:1, 2:2, 2:4)
Neşvill – Yuta 2:3 OT (1:1, 1:0, 0:1, 0:1)
Kolorado – Dallas 4:5 B (0:1, 2:2, 2:1, 0:0)
San-Xose – Anahaym 6:7 OT (2:2, 3:2, 1:2, 0:1)
Sietl – Veqas 2:1 OT (0:0, 1:0, 0:1, 1:0)
Edmonton – Vankuver 3:1 (0:0, 2:0, 1:1)

13 oktyabr
Reyncers – Vaşinqton 0:1 (0:0, 0:1, 0:0)