“Qarabağ” azarkeşləri “Azərsun Arena”da azlıqda qalacaq! – 4677 yerdən cəmi...
Bu gün “Azərsun Arena”da lider “Turan Tovuz” “Qarabağ”ı qəbul edəcək.
Bəs bilet məsələləri necə tənzimlənəcək? Qonaq və ev komandası üçün azarkeş yerləri necə bölünəcək? PFL-in Media və marketinq direktoru Sənan Abdullayevlə Tovuz təmsilçisinin mətbuat katibi Süleyman Tağıyev “Football-plus.az”ın suallarını cavabladı.
Sənan Abdullayev:
“Tovuzda oyun olanda qaydalar necə olursa, elə də olacaq. Hər şeyi meydan sahibi tənzimləyəcək. "Qarabağ" qonaq kimi, yəni Tovuza gedəndə necə olursa, elə davranacaq”.
Süleyman Tağıyev: “Burda müvəqqəti keçirdiyimiz oyunlarda giriş sərbəst olub. İndi də elə olacaq. Ümid edirəm ki, azarkeşlərlə bağlı hansısa problem yaşanmaz”.
Xatırladaq ki, qonaq komanda üçün yerlərin 20 faizi ayrılır. Stadionun 4677 yerlik olduğunu, “Qarabağ” azarkeşlərinə 935 yer ayrılacağını nəzərə alsaq, tovuzlu azarkeşlər bu gün stadionda açıq-aşkar çoxluq təşkil edəcək. Əsasnamə belə deyir. Belə olacaq, ya yox – bir neçə saatdan sonra görəcəyik...
MÜZƏFFƏR QULUZADƏ
Digər xəbərlər
