“Əvvəlcədən hər klubun azarkeşlərinə 1000 bilet ayrılmışdı. "Qarabağ" azarkeşləri üçün 2-3-cü, "Zirə" azarkeşləri üçün 8-9-cu sektorlar müəyyənləşdirildi. Hazırda 2000 biletimiz qalıb. Nə qədər bilet satılacağını deyə bilməyəcəm. Amma iki mindən az bilet qalıb. Nəzərə alsaq ki, əsas satış son iki gündə baş tutacaq, deməli, stadionda anşlaq olacaq. İstənilən şəxs istənilən sektora bilet alaraq orda əyləşə bilər. Avtobuslar ayrılacaq. Azarkeşlər bileti göstərərək pulsuz şəkildə gediş-gəliş haqqı qazanacaq. “Koroğlu” metrosunun yaxınlığında avtobuslar azarkeşləri gözləyəcək. Oyun günü 17.00-dan etibarən stadiona üz tuta bilərlər. Media üçün də avtobus ayrılacaq. Yəni bütün məsələlər həll olunub”.