“Zirə” – “Neftçi” oyunu zamanı başverənlər bizi təəssüfləndirdi. “Forza Neftçi” həmişə futbol bayramının ruhuna uyğun şəkildə komandanı dəstəkləyib və həmin oyunda da eyni mədəni davranışı nümayiş etdirdi. Biz bütün təhlükəsizlik əməkdaşlarının stadionda qayda-qanunu qorumaq kimi çətin və məsuliyyətli işini anlayır və hörmətlə yanaşırıq. Bununla yanaşı, oyun zamanı azarkeşlərimizə sərt münasibəti və daha sonra klubumuzun cərimələnməsi qərarını ədalətli saymırıq. Çünki oyun zamanı azarkeşlər tərəfindən hər hansı iğtişaş, qeyri-qanuni davranış olmayıb. AFFA-nın qeyd olunmuş qərarı ən fəal azarkeş qrupu kimi bizi təəssüfləndirir. Lakin AFFA İntizam Komitəsinin qərarına hüquqi çərçivədə baxılması bizim yox, klubun işidi. “Neftçi” camiəsi həmişə idmanda mədəniyyət, hörmət və birliyin tərəfdarı olub. Gələcəkdə belə halların təkrarlanmaması üçün bütün tərəflərin anlayış və əməkdaşlıq ruhunda davranacağına inanırıq”.

“Biz oyundan sonra hesabat veririk. Hesabatımı PFL-in departamentinə təhvil vermişəm. Sizi hansısa məlumat maraqlandırırsa, PFL-in Media və marketinq direktoru Sənan Abdullayevə müraciət edə bilərsiz. Biz bu barədə hansısa açıqlama verə bilmərik”.