“Vilyarreal”ın futbolçusu Monor Solomon Çempionlar Liqasının 2-ci turunun “Yuventus”la oyununda (2:2) iştirak etməyib.

"Football-plus.az" xəbər verir ki, bunun səbəbi nə zədə, nə də cəza ilə bağlıdı.

İsrailli futbolçu bu barədə “instaqram” hesabında paylaşım edib. “Tottenhem”dən icarəyə götürülən Monor italyanlarla oyun günü bu haqda “təəssüf ki, bu axşam yəhudilərin bayramına görə oynaya bilməyəcəm. Uğurlar, “Vilyarreal!” yazıb.

Qeyd edək ki, Yom Kippur və ya Kəffarə günü yəhudi təqviminin ən müqəddəs günü sayılır. Həmin gün yəhudilər onlara qazanc gətirən işlə məşğul ola bilməzlər.