37 yaşlı polşalı Anjey Bargel Everesti fəth edən və oksigen balonu olmadan xizəklə enən ilk insan olub.

"Football-plus.az" xəbər verir ki, zirvədən çəkilmiş videoda Bargelin havanın sıxlığı səbəbindən ağır nəfəs aldığı görünür.

Alpinistin zirvəyə dırmaşması dörd, enməsi isə iki gün çəkib. Eniş zamanı o, dar silsilələr, sıldırım yamaclar və təhlükəli qayalıqlar arasında ustalıqla manevr edib. Enişin ən təhlükəli hissəsi Xumbu buzlağı olub, burda alpinist təhlükəsizlik ipləri olmadan dəyişkən buz və dərin yarıqlardan ibarət labirintdə yalnız qardaşı tərəfindən idarə olunan dronun köməyi ilə hərəkət edə bilib. Bargel dağda turist izdihamının olmaması üçün payızı seçib.

Polşanın baş naziri Donald Tusk artıq həmyerlisini tarixi uğur münasibəti ilə təbrik edib.