Turan Tovuz - Kəpəz (Gəncə) 3:0 (2:0)
1. Oleq Baklov - 6,0
88. Faiq Hacıyev (k) - 6,0
5. Roderik Miller - 5,5
32. Hayderson Urtado - 6,0
15. Emmanuel Hakman - 5,5
7. Xorxe Silva - 6,0
23. Alexandro Serrano - 5,5
(10. Xəyal Nəcəfov, 80) - qiymətsiz
19. Roberto Olabe - 5,5
(6. Fərid Yusifli, 68) - 4,5
21. Aleks Souza - 6,0
(99. İbrahima Vaci, 68) - 5,0
29. Filip Ozobiç - 6,5
(17. Rəhim Sadıxov, 80) - qiymətsiz
90. Jo Batista - 5,5
(11. Ayxan Hüseynov, 68) - 4,5
Ehtiyat oyunçular
41. Sergey Samok
13. Mehman Hacıyev
4. Şəhriyar Əliyev
2. Abdulla Rzayev
77. Veysəl Rzayev
Baş məşqçi: Kurban Berdıyev
Komandanın ən yaxşısı: Filip Ozobiç

22. Məmməd Hüseynov - 5,0
27. Məqsəd İsayev - 5,0
38. Cefferson Bentu - 4,5
29. Dioqo Verdaşka - 5,0
7. Ehtiram Şahverdiyev - 4,5
(66. Arzu Atakişiyev, 75) - 3,0
6. Pedro Qomeş - 4,5
(55. Kresus Donqo, 70) - 3,5
4. Olavale Onanuqa - 3,5
11. Vitor Feyjao - 5,5
12. Mahamadu Ba (k) - 4,5
19. Otar Aptsiauri - 4,0
(10. Rinosuke Ohori, 46) - 3,5
9. Luis Paçu - 4,5
(23. Fərid Kələntərov, 88) - qiymətsiz
Ehtiyat oyunçular
1. Kasper Rosa
99. Əli Səmədov
88. Şakir Seyidov
17. Ümid Səmədov
15. Raul Məmmədov
20. Elcan Əbilov
21. Sadiq Şəfiyev
Məşqçi: Xaliq Mərdanov
Komandanın ən yaxşısı: Vitor Feyjao

Qollar: A.Souza, 33 (1:0, R.Olabe). J.Batista, 35 (2:0, F.Hacıyev), F.Ozobiç, 46 (3:0, A.Souza).
Vərəqələr: J.Batista, 25 (qeyri-idman hərəkəti). X.Silva, 52 (qeyri-idman hərəkəti). O.Aptsiauri, 45 (qeyri-idman hərəkəti) - sarı.
Hakimlər: İNQİLAB MƏMMƏDOV, Namiq Hüseynov, Rahil Ramazanov, Vüqar Həsənli (hamısı Bakı).
VAR hakimi: Kamal Umudlu (Bakı).
VAR hakiminin köməkçisi: Kamran Əliyev (Bakı).
Hakim-inspektor: İmanxan Sultani (Bakı).
AFFA nümayəndəsi: Zaur Hacı-Məhərrəmov (Bakı).
28 sentyabr. Bakı. “Azərsun Arena”. 700 tamaşaçı (5800 yerlik).
Birinci hissəyə 1, ikinci hissəyə 2 dəqiqə əlavə olunub.
Oyunun qiyməti: 5,0.

Bu oyunun afişası çox gurultulu səslənir. Qərb derbisi, ölkə futbolunda xüsusi çəkisi olan, çempionluqlar qazanan klubların dueli... Üstəlik bu oyun ərəfəsində “Kəpəz” baş məşqçisini də itirmişdi – Adil Şükürov istefaya göndərilmişdi. Məntiqlə komanda silkələnməli, özünə gəlməli, nəhayət, varlığını göstərməliydi.

Bu başqa məsələ ki, “Kəpəz”in nəinki qələbəyə, hətta xala da həsrət qaldığı mövsümdə “Turan Tovuz” baxımlı futbol göstərməsə də, qələbələr qazanmağı bacarır. Bəs hesabat turunun oyunu hansı axar üzrə cərəyan etdi? İş ondadı ki, həm “Turan Tovuz” baxımlı oynadı, həm də
“Kəpəz” Xaliq Mərdanovun rəhbərliyi altında da gözləntiləri qarşılamadı.

Əslində ilk 25 dəqiqə təxminən bərabər şəraitdə keçdi. İlk təhlükə nominal ev sahiblərindən gəldi. Ozobiçin kornerdən asmasını Batista zərbə ilə tamamladı. Lakin onun başla vurduğu zərbə “çərçivə”dən uzaq düşdü. 14-cü dəqiqədə isə Aptsiauri Feyjaonun ötürməsindən sonra qapıya zərbə endirdi. Top Urtadoya dəyərək meydanı tərk etdi. 20-ci dəqiqədə isə Məqsəd Xorxeni aldadaraq cərimə meydançasının kənarından qapıya zərbə endirdi, Samok düzgün reaksiya verdi. 12 dəqiqə ərzində hər iki tərəf rəqib qapısına yaxınlaşmağa çalışsa da, alınmırdı. Berdıyevin futbolçuları 32-ci dəqiqədə bunu bacardı. Ozobiçin asmasından sonra Olabe başla topu Souza üçün saxladı və onun zərbəsi ilə hesab açıldı - 1:0. Dörd dəqiqə sonra “Kəpəz”in xal ümidi bir qədər də azaldı. Faiq Hacıyevoin cinah ötürməsindən sonra
Batista başla topu qapıya göndərərək hesab arasındakı fərqi artırdı. Bundan sonra “Kəpəz”in futbolçuları tam ruhdan düşdü.

Xaliq Mərdanov 2-ci hissədə Ohorini meydan buraxmaqla oyunun axarını dəyişməyə çalışdı. Sadəcə, qolu yenə tovuzlular vurdu və bununla da oyunun taleyinə aydınlıq gəldi. Xorxe Silvanın cinahdan ötürməsini qəbul edən Souza topu Ozobiçə göndərdi və təcrübəli xorvat futbolçu hesabı 3:0-a çatdırdı. 48-ci dəqiqədə Souza daha bir qol vura bilərdi. Onun uzaqdan qapıya zərbəsini Məmməd çıxardı. 71-ci dəqiqədə isə meydana sonradan daxil olan Vaci komandasının dördüncü qolu vurdu. Lakin VAR-ın müdaxiləsindən sonra bu qol ləğv olundu. Belə ki, Ayxanın ötürməsi zamanı Vaci ofsaydda idi. “Turan Tovuz” qoldan “doymurdu”. Tovuzlular növbəti qolu vurmaq üçün alışıb-yanırdılar. Miller də 76-cı dəqiqədə uzaqdan qapıya zərbə vurdu, Məmməd bu dəfə də komandasınl xilas etdi. 81-ci dəqiqədə isə Rəhimin ötürməsindən sonra Vaci qapıçı ilə üz-üzə qalsa da, bu dueldən qalib ayrıla bilmədi.

MÜZƏFFƏR QULUZADƏ