“Baku Sportinq” daha bir futbolçunu heyətinə qatıb. Ötən mövsüm də buzovnalıların şərəfini qoruyan Luka Stevanoviç “yuvaya qayıdıb”.

Sirr deyil ki, ötən mövsüm bir çox futbolçu baş məşqçidən narazı idi. Elman Sultanovun oyunlar və məşqlər vaxtı futbolçuların şəxsiyyətini təhqir etməsi, onlarla çox pis davranması, ana söyüşü işlətməsi serbiyalının da komandadan getməyinə səbəb olmuşdu. İndi isə qayıdıb. Səbəb Elman bəyin baş məşqçi vəzifəsindən gedişi, Röyal Nəcəfovun bu vəzifəyə gəlişidimi?

Bəli, məhz belədi. Əldə etdiyimiz informasiyaya görə, 27 yaşlı yarımmüdafiəçi Elman Sultanovun söyüşlərinə görə komandadan ayrılıb. “Baku Sportinq” rəhbərliyi isə bu mövsüm onunla danışıq aparanda Elman Sultanovun artıq komandada olmadığını əsas amil kimi göstərib və serbiyalını razı sala bilib, daha dəqiqi, dönüş təşəbbüsü futbolçudan gəlib.

Qeyd edək ki, Stevanoviç sonuncu dəfə Belarus “Molodeçno”sunu şərəfini qoruyub.

MÜZƏFFƏR QULUZADƏ