Bosforu keçmək istəyirdi…

Rusiyalı üzgüçü Türkiyədə Bosfor boğazını üzüb keçməyə çalışarkən itkin düşüb.

29 yaşlı Nikolay Sveçnikov “Bosfor 2025” üzgüçülük marafonu zamanı itib. Təcrübəli üzgüçü yarışa ilk başlayanlardan biri olsa da, startdan təxminən 500-600 metr sonra gözdən itib.

6,5 kilometrlik məsafəni əhatə edən yarışda ümumilikdə 3000 nəfər iştirak edib. Lakin yalnız o, finişə çata bilməyib. Nikolayın axtarışı davam etdirilir.