5-10 iyul tarixlərində Rumıniyanın paytaxtı Buxarest şəhərində üzgüçülük üzrə Gənclərin Avropa çempionatı start götürüb.

"Football-plus.az" xəbər verir ki, bu yarışda Azərbaycanı 3 idmançımız təmsil edir. Bu barədə məlumatı Azərbaycan Üzgüçülük Federasiyasının mətbuat xidməti verib. Gənclərin Avropa Çempionatında medullar uğrunda mübarizəyə milli komandanın üzvlərindən Ramil Vəlizadə, Rəşad Alquliyev və Əbdürrəhman Rüstəmov qatılacaqlar. Yarışların birinci günündə Ramil Vəlizadə 200 metr batterflyay üsulunda əvvəlcə yarım finala, sonra isə 1.58.93 nəticə ilə finala vəsiqə qazanıb. Üzgüçülük üzrə milli komandanın baş məşqçisi Rəşad Əbdürrəhmanovun bildirdiyinə görə Ramilin bu yarışda yüksək yerlər qazanmaq şansı böyükdü:

“Ramil Vəlizadə finala özünün ən yaxşı göstəricisi ilə vəsiqə qazanıb.O yarımfınalda rəqiblərini qabaqlayaraq 3-cü oldu. Hesab edirəm ki, finalda idmanşımız bütün var qüvvəsi ilə medullar uğrunda mübarizə aparacaq və yaxşı nəticə göstərəcək”, - deyə millinin baş məşqçisi əlavə edib.

Bildirək ki, bu gün Ramil Vəlizadə finalda gücünü sınayacaq, digər üzgüçülərimiz də bu gün mübarizəyə qatılacaqlar.