WBC versiyası üzrə sabiq dünya çempionu Tayson Fürinin menecüri Spenser Braun bildirib ki, britaniyalı mütləq dünya çempionu Aleksandr Usiklə döyüşdən əvvəl həmvətəni Entoni Coşua ilə qarşılaşa bilər:

Artıq xəbər verdiyimiz kimi, Füri ilə Usik arasında növbəti döyüş gələn il aprelin 18-nə planlaşdırılıb. Bu, adı çəkilən boksçular arasındakı 3-cü döyüş olacaq. Əvvəlki iki duel ukraynalının qələbəsi ilə bitib.

Bu arada nüfuzlu “The Ring” jurnalı çəki dərəcəsindən asılı olmayaraq müasir dövrün ən güclü boksçularının yenilənmiş reytinqini açıqlayıb.

Superağır çəkidə dünya çempionu Aleksandr Usik (24–0) yenə liderliyini davam etdirir. İyulun 20-nə keçən gecə ukraynalı boksçu britaniyalı Daniel Dyubuanı nokauta salaraq bu idman növündəki bütün ən nüfuzlu kəmərlərə (WBC, WBO, WBA və IBF) sahib çıxıb. İkinci yerdə Yaponiyadan olan mütləq dünya çempionu Naoya İnoue qərarlaşıb, ilk "üçlüy"ü amerikalı Terens Krouford tamamlayır. Yenilənmiş reytinqdə yalnız bir dəyişiklik olub – WBC və WBO kəmərlərinin sahibi, yaponiyalı Dzyunto Nakatani amerikalı Cessi Rodrigesi geridə qoyaraq 6-cı yerə yüksəlib.

1. Aleksandr Usik (Ukrayna)
2. Naoya İnoue (Yaponiya)
3. Terens Krouford (ABŞ)
4. Dmitri Bivol (Rusiya)
5. Artur Beterbiyev (Rusiya)
6. Dzyunto Nakatani (Yaponiya)
7. Cessi Rodriges (ABŞ)
8. Saul Alvares (Meksika)
9. Ken Şiro (Yaponiya)
10. Şakur Stivenson (ABŞ)