"Sumqayıt"ın baş məşqçisi Saşa İliç komandanın Qəbələ toplanışını dəyərləndirib.

"Football-plus.az" xəbər verir ki, serbiyalı mütəxəssis bu barədə "kimyaçılar"ın rəsmi səhifəsinə açıqlama verib:
"Düşünürəm ki çox yaxşı və məhsuldar bir təlim-məşq toplanışı keçirdik. Bizə yaradılan şərait, meydançalar, qaldığımız otel, bir sözlə hər şey möhtəşəm idi. Ən önəmlisi budu ki, toplanışı zədəsiz başa vurduq. Sonuncu yoxlama oyununa gəlincə isə düşünürəm ki bu matç bütün oyunlarımızın arasında ən yaxşısı idi. Artıq komandam demək olar ki mənim nə istədiyimi dərk edir və ona uyğun çıxış etməyə çalışır. Əvvəlki matçlarda olduğu kimi burda da sadə vəziyyətlərdə səhvlərə yol verdik. Mövsümün ilk matçı üçün qarşıda 1 həftə vaxtımız var. Düşünürəm ki səhvlərimizin üzərində maksimum çalışıb "Kəpəz"lə oyuna tam hazır olacağıq".