"Hər kəsi Bakıda keçiriləcək UFC turnirinə dəvət edirik” - Qurban Qurbanov
"Qarabağ”ın baş məşqçisi Qurban Qurbanov qarşıdan gələn “UFC Fight Night: Hill vs Rountree Jr.” turniri ilə bağlı fikirlərini bölüşüb və azarkeşləri azərbaycanlı döyüşçüləri dəstəkləməyə səsləyib.
"Football-plus.az“ Bakı Şəhər Halqasına istinadla xəbər verir ki, o, döyüşlərin maraqlı məcrada keçəcəyinə inandığını söyləyib:
“Hamını iyunun 21-də Baku Kristal Zalına gəlməyə və azərbaycanlı döyüşçüləri dəstəkləməyə dəvət edirəm. Özüm də Bakıda keçiriləcək UFC turnirində olacağam. Bu vacib anda döyüşçülərimizin yanında olmalı, onlara dəstək göstərməliyik. Kristal Zalda Azərbaycan azarkeşlərini görmək bizə xoş olardı. Avrokubok oyunlarında “Qarabağ”ın matçları zamanı stadionu 30-35 min azarkeş doldurur. Hər kəsi Bakıda keçiriləcək UFC turnirinə dəvət edirik”.
Qeyd edək ki, “UFC Fight Night” iyunun 21-də Bakı Kristal Zalında baş tutacaq. Turnirdə Azərbaycanı Rafael Fiziyev, Nazim Sadıxov və Tofiq Musayev təmsil edəcək.
Digər xəbərlər
