Türkiyədə təşkil edilən “Rize Cup” beynəlxalq futbol turnirinə yekun vurulub.

"Football-plus.az" xəbər verir ki, “Sabah”ın U-12 komandası növbəti oyunlarını keçirib.

Komanda Gürcüstanın “Dinamo” (Batumi) və Türkiyənin “Samsunspor” komandaları ilə heç-heçə edib (0:0), Türkiyənin "Fənərbaxça" (1:2) və “Gənclərbirliyi” (0:2) kollektivlərinə isə məğlub olub.

"Sabah" daha öncə “Rizespor” (1:2), "İstanbul BŞ" (1:0) və “Qaziantep”lə (3:1) qarşılaşmışdı.

Emin Salmanovun baş məşqçisi olduğu komanda turniri 8 xalla 6-cı pillədə başa vurub.