Mahir Emrelinin Almaniyanın 2-ci bundesliqa klubu "Nürnberq"dən ayrılacağından xəbərdarsız. Tərəflər qarşılıqlı razılıq əsasında müddəti bu mövsümün sonunda başa çatan müqavilənin yenilənməməsinə qərar veriblər.

İndi 28 yaşlı hücumçunun karyerasını harda davam etdirəcəyi maraq doğurur. Bu günə qədər yayılan xəbərlərə inansaq, həmyerlimizlə Almaniyanın həm 1-ci, həm də 2-ci bundesliqa klubları maraqlanır. Hətta "Kicker" nəşri bunlardan ikisinin adını öyrənə bilib. Belə ki, bunlar 2-ci bundesliqada çıxış edən "Kayzerslautern" və Düsseldorf "Fortuna"sıdı. Emrelini heyətində görmək istəyən 1-ci bundesliqa klubunun adı isə hələ bəlli deyil.

Maraq üçün qeyd edək ki, "Fortuna" son mövsümü 6-cı, "Karzerslautern" isə 7-ci pillədə başa vurub.
Bununla belə, Mahir dünən verdiyi açıqlamada hansısa komandadan rəsmi təklif almadığını deyib.

KƏNAN BAHADIR