“Şəfa” hələ “ASK Arena”nı tərk etməyib
Futbol üzrə ölkə çempionatının 2-ci liqasında mövsüm başa çatdı. “Şəfa” 1-ci liqaya yüksəlməyi bacardı. İcarə əsasında yararlandığı “ASK Arena”da qazonun keyfiyyətindən narazı qalan paytaxt klubunun Qubanı təmsil etmək niyyətində olduğu barədə xəbərlər gəzir.
Görəsən, klub Bakıdan köçsə, 1-ci liqada oyunlarını harda keçirəcək? Bu sualı baş məşqçi Elgiz Kərəmliyə ünvanladıq:
“Verilən məlumat düzgün deyil. Komanda Bakıda məskunlaşacaq, lakin oyunlarımızı hansı stadionda keçirəcəyimiz hələlik dəqiqləşməyib. “ASK Arena” ilə bağlı isə onu deyə bilərəm ki, hələlik həmin arenanı tərk etməmişik. Stadionun kimə veriləcəyi dəqiqləşməlidi, ondan sonra hər şey aydın olacaq. Ümumiyyətlə, hansısa başqa şəhəri təmsil etməyimizlə bağlı heç bir söhbət olmayıb”.
ƏSƏD SEYİDOV
Digər xəbərlər
