“Təmir bitəndən sonra oyunlarımızın orda keçirilməsi planlaşdırılır” – “Şəfa” harda oynayacaq?
Bir müddət öncə “Şəfa”nın “ASK Arena”dan daşınacağı deyilirdi. Fasilədən öncə yayılan iddialara görə, yeni baş məşqçinin gəlişindən sonra stadionun yaxşı vəziyyətdə olmaması buna zərurət yaratmışdı. Hətta oyunlarını orda keçirən “Araz-Naxçıvan”ın əvəzedicilərinin baş məşqçisi Zaur İsmayılov saytımıza açıqlamasında meydançaların durumundan narazılığını gizlətməmişdi. Bundan sonra isə “Şəfa”nın mövsümün ikinci yarısındakı oyunlarını harda keçirəcəyi sual kimi qaldı.
Maraqlıdı, paytaxt təmsilçisi yeni stadion tapıb, yoxsa yaxşı vəziyyətdə olmayan “ASK Arena”da qalacaq? Bu sualı 2-ci liqa klubunun baş məşqçisi Elgiz Kərəmli belə cavabladı:
“Komandamız məşqlərini “ASK Arena”da keçir. Oyunlarımız da orda olacaq. Hazırda təmir gedir. Yəqin yaxın müddətə yekunlaşar. Təmirdən sonra məşqlərimizi orda keçirəcəyik. Düzdü, dəyişiklik nəzərdə tutulurdu. Bu da meydançaların yaxşı vəziyyətdə olmaması səbəbindən idi. Sonradan stadion rəhbərliyi stadionu təmir etdirəcəyini dedi. Təmir bitəndən sonra oyunlarımızın orda keçirilməsi planlaşdırılır”.
RÖYANƏ OĞUZ
Digər xəbərlər
