“Şəfa” Qubaya köçür? – klubdan ehtimallara sərt reaksiya
Futbol üzrə ölkə çempionatının 2-ci liqasında çıxış edən “Şəfa”nın gələcəyi ilə bağlı fərqli xəbərlər yayılır.
Belə ki, Bakıda qərarlaşan komandanın Qubaya köçməyə hazırlaşdığı deyilir. 1-ci liqaya vəsiqə qazanan “Şəfa” növbəti mövsümdən Qubada məskunlaşmağı planlaşdırır. Yayılan məlumatlara görə, bu addım klubun strukturlaşması və uzunmüddətli planları üçün atılır.
“Şəfa” niyə Bakıdan qaçır? İddia olunur ki, klub 18 ildən sonra futbola dönsə də, hələ də bazası və stadionu yoxdu. Hazırda ev oyunlarını “ASK Arena”da keçirən bakılılar bu stadiondan yalnız icarə əsasında yararlanır.
Bu xəbəri dəqiqləşdirmək üçün “Şəfa”nın mətbuat katibi Mikayıl Yusifoğluna müraciət etdik. Onun “Football-plus.az”a cavabı:
“Mətbuatda qeyri-peşəkar xəbərlər çoxdu. “Şəfa” ilə bağlı yenilikləri klubun “instaqram” hesabından əldə edə bilərsiz. Bu məlumatlar həqiqəti əks etdirmir”.
ƏSƏD SEYİDOV
Digər xəbərlər
