“Mahir Emreli gedib “Yuventus” və PSJ-də oynayan deyil” – bəs hara getsin?
Mahir Emrelinin mövsüm bitən kimi “Nürnberq”dən ayrılacağını xəbər vermişdik. “Köln” matçdan öncə ona xatirə hədiyyəsi də təqdim olunub. Qeyd edək ki, həmyerlimizlə həm 1-ci, həm də 2-ci bundesliqa klubları maraqlanır.
Mahir 1-ci bundesliqa, yoxsa başqa “böyük beşlik” çempionatında oynamalıdı? Oyun üslubu hansı liqa üçün uyğundu? Bu sualları iki menecerə ünvanladıq:
Emil Şükürov:
“Mahirin oyun üslubu İspaniya, Portuqaliya, İsveçrə kimi ölkələrin klublarında çıxış etmək üçün uyğundu. Yəni daha çox fiziki yox, texnikalı futbola üstünlük verən ölkələrdə. Amma Almaniya futbolu şans yaradırsa, ondan da maksimum istifadə etmək lazımdı. Belçika və Niderlandı da bu siyahıya əlavə etmək olar”.
Ceyhun Sultanov:
“Mahir Emrelinin oynamaq üçün potensialı var. Yuxarı yerlərdə gedən komandalarda oynaya bilməz. Məni maraqlandıran odu ki, Mahir özünə uyğun klubu tapsın. Mahir gedib “Yuventus” və PSJ-də oynayan deyil. Aşağı səviyyəli komandalarda mübarizə aparacaq gücdədi”.
ƏSƏD SEYİDOV
Digər xəbərlər
