26-cı tur “Şaxtyor” üçün çempionluq intriqasını son turlara qədər davam etdirmək baxımından son şans idi.

Donetsk klubu mümkün qələbə sayəsində xal fərqini 7-yə endirəcək, 2-ci pillədəki “Aleksandriya”nı da həvəsləndirəcəkdi. Əslində “şaxtaçılar” “Dinamo” ilə oyuna məhz istədiyi kimi başladı. Komandalar fasiləyə yollananda hesab artıq 2:0 idi. Kevinlə Eginaldo ili 20 dəqiqədə iki qol vurdu. Amma 2-ci hissə başlayan kimi oyunun axarı dəyişdi. “Şaxtyor” hissənin əvvəlində birmənalı şəkildə müdafiəyə çəkildi. Bu, baş məşqçi Marino Puşiçin taktiki gedişi idi, yoxsa kiyevlilərin əməyinin nəticəsi – demək çətindi. Hər halda, Vanatın 56-cı dəqiqədəki qolu hər şeyi dəyişdi. Çempionatın bombardiri fərqi azaldandan sonra kiyevlilər rəqibə inanılmaz temp təklif etdi. “Şaxtyor” buna, sadəcə, hazır deyildi.

Statistika “Dinamo”nun 2-ci hissədə “şaxtaçılar”ı bütün göstəricilər üzrə üstələdiyini açıq-aşkar göstərir. Hər standart vəziyyət “Şaxtyor” üçün çəkilməz yükə çevrilirdi. Nəhayət, 3-cü uzatma dəqiqəsində qələbə əldən getdi. Qonaqlar topu autdan oyuna daxil idi, Popov topu uzaq dirək önünə göndərdi, orda Bondar Brajko ilə mübarizədən qalib ayrılsa da, top cərimə meydançasının mərkəzində tək qalan Kabayevin önündə düşdü – 2:2. “Dinamo” hələ çempion olmasa da, kubokun finalında da qarşılaşacağı rəqib üzərində mənəvi qələbə qazandı. “Şaxtyor” isə indi yalnız növbəti mövsüm və kadr siyasəti üzərində düşünməlidi.

“Aleksandriya” hələ də “qızıl”dan əlini üzməyib. Ruslan Rotanın çalışdırdığı komanda autsayder “İnqulets”i səfərdə məğlub etməklə mövsümü medalla bitirəcəyini rəsmiləşdirdi. Qızıl, gümüş, yoxsa bütünc? – bu da tezliklə bilinəcək.

Turun qalan oyunlarına gəlincə, avrokuboklara vəsiqəyə iddialı bütün komandalar xal itirdi. “Karpatı” səfərdə “Obolon”, “Polesye” “Kolos” ilə heç-heçə etdi, LNZ – “Krivbass” oyununda, ümumiyyətlə, qol vurulmadı. “Levıy bereq”i məğlub edən “Zarya” 8-ci pillədə qaldı.

“Veres”i darmadağın edən “Vorskla” elitada qalmaq şansını bir qədər artırdı. Emil Mustafayevin şərəfini qoruduğu “Çernomorets” isə artıq aşağı dəstə üçün planlar qurmalıdı. Start heyətind yer alan, sona qədər meydanda olan azərbaycanlı yarımmüdafiəçi hər nə qədər fəallıq göstərsə də, komandasını “Rux”la oyunda məğlubiyyətdən xilas edə bilmədi. “Dənizçilər”i qarşıdakı turlarda “Dinamo”, “Aleksandriya” və “Şaxtyor” ilə oyunlar gözləyir. Yəni Emil və komandası üçün hər şey aydındı.

26-cı tur
Şaxtyor – Dinamo 2:2
Kevin, 6-p. Eginaldo, 20 – Vanat, 56. Kabayev, 90+3.
Şaxtyor: Riznık, Bondar, Vinisius (Krıskiv, 62), Qram, Matviyenki, Pedro Enrike, Bondarenko, Pedrinyo (Santana, 62), Kevin, Qomes (Nazarina, 62), Eginaldo (Traore, 62).
Dinamo: Neşeret, Dubinçak (Vivçarenko, 90+6), Mixavko, Popov, Tımçik, Buyalski (Pixalenok, 85), Mixaylenko, Yarmolenko, Vanat, Kabayev (Belovar, 96), Şaparenko (Brajko, 85).

İnqulets – Aleksandriya 0:1
Sara, 27.

Obolon – Karpatı 2:2
Stasyuk, 20. Taranuxa, 81 – Priymak, 28-öz qapısına. Neves, 90.

Kolos – Polesye 1:1
Veleten, 56 – Sarapi, 46.

LNZ – Krivbass 0:0

Zarya – Levıy bereq 2:1
Antyux, 40. Yatsık, 49 – Sidney, 64.

Çernomorets – Rux 1:2
Xoblenko, 62 – Klimçuk, 20. Ryabov, 76.

Vorskla – Veres 3:0
Kane, 25. Ndukve, 58. Malış, 90+3.

1. Dinamo 26 19 7 0 55-17 64
2. Aleksandriya 26 18 6 2 40-18 60
3. Şaxtyor 26 16 6 4 61-24 54
4. Polesye 26 11 10 5 35-25 43
5. Karpatı 26 11 7 8 35-28 40
6. Krivbass 25 11 6 8 28-24 39
7. Veres 26 9 8 9 31-36 35
8. Zarya 25 11 2 12 30-35 35
9. Rux 26 8 9 9 27-25 33
10. Kolos 26 6 10 10 23-23 28
11. LNZ 26 7 6 13 23-35 27
12. Obolon 26 6 7 13 16-42 25
13. Vorskla 26 6 6 14 22-35 24
14. Levıy bereq 25 6 5 14 14-29 23
15. Çernomorets 26 5 3 18 17-40 18
16. İnqulets 25 3 8 14 16-37 17

Bombardirlər: Vanat (Dinamo) – 16, Sudakov (Şaxtyor), Qutsulyak (Polesye), Tverdoxleb (Krivbass) - 11.

Növbəti turun oyunları mayın 2-4-ü aralığında keçiriləcək: Levıy bereq – Karpatı, Rux – Krivbass, Çernomorets – Şaxtyor, İnqulets – Dinamo, Veres – Obolon, LNZ – Zarya, Kolos – Vorskla, Polesye – Aleksandriya.