MHL-də pley-off oyunları davam edir.

"Football-plus.az" xəbər verir ki, seriyaya uğurlu başlayan komandalardan biri də “Florida”dı. “Panterz” artıq “Tampa-Bey” üzərində iki qələbə qazanıb.

“Florida”nın qapıçısı Sergey Bobrovski pley-offda qələbə sayını 47-yə çatdırdı. 36 yaşlı rusiyalı bu göstəricidə finlandiyalı Pekka Rinneni (45) arxada qoymaqla avropalı qapıçılar arasında 5-ci pilləyə yüksəldi. Pley-offda ən çox qələbə qazanan avropalı qapıçı rus Andrey Vasilevskidi (66). Sonrakı pillələrdə çex Dominik Qaşek (65), isveçli Henrik Lundkvist (61) və fin Tuukka Rask (57) qərarlaşıb.

Elə “Vaşinqton” da seriyaya iki qələbə ilə başlayıb. Paytaxt klubunun forvardı Aleksandr Oveçkin “Monreal”la ilk oyunda dubl etməklə pley-offdakı qollarının sayını 74-ə çatdırdı. 39 yaşlı rusiyalı bu göstəricidə Co Pavelskiyə çatmaqla 13-cü pilləyə yüksəldi. 12-ci yerdəki Mario Lemyenin 76 pley-off qolu var. Lider isə Qlenn Andersondu (93). Oveçkinin pley-offda keçirdiyi 153 oyunda 144 (74+70) xal topladığını da xatırladaq.

22 aprel
Vaşinqton – Monreal 3:2 ОТ (1:0, 1:0, 0:2, 1:0)
Seriyada hesab – 1:0.
Vinnipeq – Sent-Luis 2:1 (1:1, 0:0, 1:0)
Seriyada hesab – 2:0.
Dallas – Kolorado 4:3 OT (1:1, 1:2, 1:0, 1:0)
Seriyada hesab – 1:1.
Los-Anceles – Edmonton 6:5 (2:0, 2:1, 2:4)
Seriyada hesab – 1:0.

23 aprel
Karolina – Nyu-Cersi 3:1 (0:1, 2:0, 1:0)
Seriyada hesab – 2:0.
Toronto – Ottava 3:2 ОТ (2:0, 0:1, 0:1, 1:0)
Seriyada hesab – 2:0.
Tampa-Bey – Florida 2:6 (1:2, 1:3, 0:1)
Seriyada hesab – 0:1.
Veqas – Minnesota 2:5 (0:3, 1:1, 1:1)
Seriyada hesab – 1:1.

24 aprel
Vaşinqton – Monreal 3:1 (0:0, 2:1, 1:0)
Seriyada hesab – 2:0.
Kolorado – Dallas 1:2 ОТ (1:0, 0:0, 0:1, 0:1)
Seriyada hesab – 1:2.
Los-Anceles – Edmonton 6:2 (1:0, 2:1, 3:1)
Seriyada hesab – 2:0.

25 aprel
Tampa-Bey – Florida 0:2 (0:1, 0:0, 0:1)
Seriyada hesab – 0:2.
Ottava – Toronto 2:3 ОТ (0:0, 1:1, 1:1, 0:1)
Seriyada hesab – 0:3.
Minnesota – Veqas 5:2 (2:1, 2:0, 1:1)
Seriyada hesab – 2:1.
Sent-Luis – Vinnipeq 7:2 (3:0, 0:0, 4:2)
Seriyada hesab – 1:2.