Luis Suares “El Pais” nəşrinin bir sıra aktual suallarını cavablayıb.

"Football-plus.az" xəbər verir ki, “İnter Mayami”nin 38 yaşlı uruqvaylı hücumçusu hələ karyerasını başa vurmaq haqda düşünmədiyini deyib.

- “İnter Mayami” sizə yeni müqavilə təklif edib? Rəhbərliklə bu mövzuda danışıq olub?
- Klub həmişə mənim qərarı özümün verməyimə şərait yaradıb. Komandaya bundan sonra da kömək etmək iqtidarında olduğumu hiss etsəm, bunu boslar da anlasalar, onda yeni müqavilə reallaşacaq. Yeni mövsüm ötən ay başlayıb və mövzu ilə bağlı danışıq aparmaq üçün kifayət qədər vaxt olacaq. Baxarıq, görək komanda və mən ili necə başa vuracağıq, hər şeyə bundan sonra aydınlıq gələcək.

- Messi ilə karyeranızı başa vurmaq haqda müzakirə aparmısız?
- Xeyr. Biz bu barədə tez-tez zarafatla söhbət edirik. Amma o, gələn il keçiriləcək dünya çempionatında oynamaq istəyir. Özümə gəlincə, təbii ki, milli komandadan ayrıldıqdan sonra bu məsələ mənim üçün onun qədər aktual deyil. Amma hələ bu barədə ciddi danışmamışıq. Bəli, yaşa dolduqca bu mövzuya qayıdıb qərar verə bilərik, lakin indiyə qədər aramızda ciddi söhbət olmayıb.

- Jurnalistlər Lionel ilə dost olduğunuzu nəzərə alaraq sizdən onun meydanı nə vaxt tərk etmək haqda düşündüyünü tez-tez soruşurlar? Messi növbəti dünya çempionatında oynamaq istədiyini təsdiqləyib?
- Yox, yox, yox. Mən hətta bu haqda ondan soruşmuram. Bəziləri məsələnin əsas məğzini anlamırlar. Yeri gəlmişkən, bir neçə gün əvvəlki matçda (“Los Anceles” ilə oyunu nəzərdə tutur – red.) təyin olunan penalti ilə bağlı danışım. Komanda yoldalarım onu alqışladılar, təriflədilər, ona yaxınlaşıb təbrik etdilər, amma mən hətta Leoya tərəf baxmadım. Hər hansı jest etmədim, çünki Messini çox yaxşı tanıyıram. Onu da deyim ki, bu rolda tez-tez görünürəm, çünki qolu bayram etmək məni əsəbiləşdirir. Ona görə ki, belə ana hədsiz dərəcədə sevinmək adamda öz gücünə inamsızlıq doğurur. Mən Leonun necə futbolçu olduğunu yaxşı bilirəm. Buna görə də ondan heç nə soruşmuram. Zaman hər şeyi göstərəcək.

- Karyeranızda 600-cü qola çatmağa yaxınsız. Bunun üçün 13, futbolun tarixinə 10 ən yaxşı bombardirdən biri kimi düşmək üçün isə 34 qol vurmalısız. Qarşınıza belə hədəflər qoyursuz?
- Hərdən statistikaya və hədəflərə əhəmiyyət vermədiyimi demək asan olur, amma adama adrenalini məhz bu amil bəxş edir. 38 yaşım olsa da, Uruqvay futbolu üçün nəsə əhəmiyyətli göstəriciyə imza ata biləcəyimi düşünürəm. Məsələn, futbolun tarixinə 10 ən yaxşı bombardirdən biri kimi düşmək mənim üçün inanılmaz uğur ola bilər. Mən bu hədəf uğrunda mübarizədən məmnunluq almaq, qarşıma yeni hədəflər qoymaq və onlara çatmaq istəyirəm.

- Bir valideyn kimi uşaqlarınızın məyusluğu, sosial şəbəkələr və öz həyatınzın nümayişinə necə nəzarət edirsiz?
- Ata kimi turnirlərin çoxluğuna görə çox şeyi nəzərdən qaçırırsız. Onların çox sayda təəssüratları var, ancaq siz bunlardan həzz ala bilmirsiz. Amma bunun da hardasa öz müsbət yönləri var. Onlara “bu yolla gedin, belə doğru olacaq” deməklə doğru yolu göstərmək çətindi. Vaxtı gələndə uşaqlar da qərar verirlər və siz, ola bilsin ki, öz fikirlərinizlə onlara ziyan vurursuz. Sosial şəbəkələri dəstəkləyən və bu sahənin əleyhinə olanlar var. Sosial şəbəkələr adamın psixikasını korlaya bilər. Hansısa xəbəri yazmaq və ya harasa göndərmək asandı. Amma siz hansısa şəxsə necə böyük zərbə vurduğunuzu təsəvvür etmirsiz. Məhz buna görə övladlarımın sosial şəbəkələrdən mümkün qədər uzaq olmasına üstünlük verirəm. Biz başqa dünyada yaşamırıq, çünki ünvanımıza yönələn tərif və tənqidlərlə barışmalı oluruq. Ancaq valideyn kimi hərdən belə vəziyyətlərin öhdəsindən gəlmək çətin olur. Hərdən “kiminsə övladı” olmaq isə durumu daha da çətinləşdirir. Onlar öz şəxsiyyətini özləri müəyyən etməlidilər. Texnologiyalar çox inkişaf edib, biz onlara smartfonlarımız vasitəsilə nəzarət edirik.