''Hədəfimiz yaxşı oyunla 3 xal qazanmaq və turnir cədvəlində ''Sepahan''ı geridə qoymaq idi. Onların ilk cinah asması qolla nəticələndi. Şokdan ayılana qədər öz qapımıza daha bir qol vurduq. İlk hissədə yaxşı oynamadıq. Dəyişikliklərdən sonra ikinci hissədə rəqib üzərində böyük təzyiq qurduq. Amma bütün cəhdlərimizə baxmayaraq qol vura və məğlubiyyətdən qurtula bilmədik. ''Sepahan''ı təbrik edirəm. Layiqli qələbə qazandılar. Fasilədən sonra oyun demək olar, bir qapıya getdi. Amma futbolda qələbə qazanmaq üçün qol vurmaq lazımdı. Bu gün xanım fanatlarımız stadiona gələrək bizi gözəl dəstəklədilər. Onlara təşəkkür edirəm. Onları sevindirə bilmədiyimiz üçün üzr istəyirik. Yeni və daha güclü bir komanda qurmaq istəyirik. Zatən neçə müddətdi, bunun planlarını qururuq. Komandanın baş müdürü Reza Dərviş və yönəticilərlə bu mövzuda bir neçə dəfə söhbətimiz olub. Bəzi mövqelərdə əsas oyunçular, bəzi mövqelərdə isə alternativ variantlar yoxdu. Reallıq məhz bu cürdü. Futbolda hər il çempion olmaq mümkün deyil. ''Persepolis'' keçən ildən başlayaraq enişdədi. Çünki bəzi əsas futbolçularını əldən verdi. Ona görə də ''Persepolis'' yenidən zirvəyə qayıtmaq üçün ən yaxşı oyunçuları almalıdı. Hər komandanın enişli-yoxuşlu yoxuşlu anları olur. Biz hazırda enişdəyik. Amma yeni mövsümə yaxşı hazırlaşmaq üçün zamanımız olacaq. Gələn mövsüm komandanın başında yer alacammı? Bu sualı mənə verməklə mənim burda qalmağımın tərəfdarı olmadığınızı göstərirsiz. Qərarı rəhbərlik verəcək. Onların qəbul etdiyi hər qərara hörmətlə yanaşacam. Mənim xarakterim də, işim də bəllidi. Özümə güvənirəm. Necə məşqçi olduğumu anlamaq istəyirsizsə, ''Fənərbaxça'' ilə Avropa Liqasında keçirdiyimiz oyunlara baxın. Burda da əlimdən gələni edirəm. 3 aydı, burdayıq. Bu müddət ərzində mən və köməkçilərim ailəmizi görmək üçün cəmi 1 dəfə Türkiyəyə getmişik. 3 aydı, günümüz yalnız oteldən məşqə, məşqdən otelə getməklə keçir. Amma xəstəliklər, zədələr və digər problemlər üzündən istənilən nəticələri qazana bilmirik. Sona 3 tur qalmış ''Sepahan'' ilə aramızda 5 xallıq fərq var. Hadisələrə real baxmaq lazımdı. Mən açıq sözlü insanam və hər zaman real danışmağı xoşlayıram. Az da olsa, 3-cü pilləni tutmaq üçün hələ şansımız var. Biz ilk növbədə üzərimizə düşəni edərək qalan 3 oyunda qalib gəlməliyik. Bundan sonra isə mövsümü neçənci pillədə bitirəcəyimizi birlikdə görəcəyik''.