“Mançester Yunayted”i yayda bir sıra futbolçular tərk edəcəklər

"Football-plus.az" xəbər verir ki, artıq onlardan ikisinin kimliyi məlum olub. Tanınmış insayder Fabritsio Romano məlumat yayıb.

O, qapıçı Tom Hiton və müdafiəçi Conni Evansın mövsümün sonunda komandadan ayrılacağını bildirib. Hər iki futbolçunun müqaviləsinin müddəti iyunun 30-na qədərdi.

Evans MY-nin yetirməsidi. 2015-ci ildə komandadan ayrılan müdafiəçi bir sıra klublarda çıxış edəndən sonra 2023-cü ilin iyulunda yenidən “Yunayted”ə qayıdıb.

39 yaşlı Hiton da MY-nin yetirməsidi. Qapıçı 2010-cu ilin yayında komandanı tərk etsə də, 9 ildən sonra doğma klubuna qayıdıb.