Aprelin 11-də “Səbail”i mövsümdə 3-cü dəfə darmadağın edən “Qarabağ” ən yaxın izləyicisi “Zirə” ilə xal fərqini 18-ə çatdırdı. Bu gün isə “qartallar” “Neftçi”nin qonağı olacaq. Onlar uduzacağı təqdirdə son 6 turun nəticəsindən asılı olmayaraq, “Qarabağ” ardıcıl 4-cü, tarixindəki 12-ci çempionluğu bayram edəcək.

Və daha bir maraqlı məqam… Bu gün Qurban Qurbanov 53 yaşını tamamlayır. “Neftçi” bəlkə də istəmədən əzəli-əbədi rəqibinin doğum gününə ən yaxı hədiyyə verə, onu çempion edə bilər.

Təbii ki, Rəşad Sadıqov buna imkan verməməyə çalışacaq. Axı mümkün məğlubiyyət “Zirə”nin mövqeyini ciddi şəkildə laxladacaq. “Kəpəz”in qonağı olan “Araz-Naxçıvan” qələbə qazansa, “qartallar”la xal fərqini 1-ə endirəcək.

Bir sözlə, bugünkü “Neftçi” – “Zirə” oyununu həvəslə gözləməyə dəyər. O qədər səbəb var ki...

MÜZƏFFƏR QULUZADƏ