“Rəqiblərimiz qələbə qazananda heç-heçələr bizə itirilən iki xal kimi gəlir” – “Dənizçilər” əlini üzüb?
Hər ötən tur “Səbail”i 1-ci liqaya bir addım da yaxınlaşdırır.
29-cu turda “Səbail” heç-heçə etdi, “Kəpəz” qələbə qazandı, belədə bu iki komanda arasındakı xal fərqi 7-yə çatdı. Sanki “dənizçilər”in baş məşqçisi Elvin Məmmədov o qədər də narahat deyil, 1 xalı da uğur sayır. Bununla bağlı “Dənizçilər” fanklubunun rəhbəri Atif Rüstəmzadənin fikrini öyrəndik:
“Bizdə vəziyyət həqiqətən də çətindi. Amma ümidi itirmək olmaz. Təkcə “Kəpəz” yox, “Şamaxı” da, “Sumqayıt” da üç oyunluq üstündülər. Yəni üç oyunda biz qələbə qazansaq, onlar uduzsa, biz autsayderlikdən xilas ola bilərik. Yeddi tur qalıb. Şansımızı son ana qədər yoxlayacayıq. Elvin Məmmədovun mətbuat konfransında dediyi “bir xal da qənimətdi” fikrinə gəlincə, düzdü, bir xal da xaldı, amma orda itirilən iki xal da var. Rəqiblərimiz qələbə qazananda heç-heçələr bizə itirilən iki xal kimi gəlir. Hələ ki faciəvi heç nə yoxdu, şanslarımız hələ də var”.
MÜZƏFFƏR QULUZADƏ
Digər xəbərlər
