Hər uğurlu seriyanın, hər yaxşı nağılın bir sonu olur.

"Football-plus.az" xəbər verir ki, 4-cü liqada yarışan “Kann” yarımfinalda dayandı.

Hərçənd aşağı dəstə təmsilçisi elitanın autsayderlərindən “Reyms”ə sona qədər müqavimət göstərdi, erkən qol buraxsa da, hesabı bərabərləşdirməyi bacardı. Amma Teumanın 58-ci dəqiqədə vurduğu qol həlledici oldu. “Reyms” mayın 24-də keçiriləcək finalda PSJ ilə qarşılaşacaq. Təbii ki, paytaxt klubu aşkar favoritdi.

Paytaxt klubunun indiyə qədər bu titulu 15 dəfə qazandığını da xatırladaq. Parislilər ötən il finalda “Lion”u məğlub edib.

yarımfinal
Kann (D-4) – Reyms 1:2
Ndoye, 52 – İbrahim, 14. Teuma, 58.

Digər yarımfinal oyununun nəticəsi: Dyunkerk (D-2) – PSJ 2:4.