“Renatgilin qrupu birdi, Bədavigilin qrupu bir” - yığmanın sabiq kapitanından qəribə açıqlama
“Qarabağ”ın və yığmamızın sabiq kapitanı Maksim Medvedev İTV-nin ötən həftə yayınlanan “Off Top” podkastının qonağı olub. Və həmin vaxt bəzi qəribə fikirlərlə yadda qalıb.
Maksim yığmanın indiki vəziyyətindən narazı olduğunu, futbolçuların oyunlara milli üçün yox, özünü göstərmək üçün çıxdığını bildirib. O, milli komandanın futbolçularında birlik olmadığını, hətta qruplaşma olduğuu qeyd edib:
“Renatgilin qrupu birdi, Bədavigilin qrupu bir. Söhbət edəndə qruplaşmanın olmasında problem yoxdu. Amma bunlar həm məşqdə, həm də yemək yeyəndə hamı öz qrupu ilə gəzir. Bu da açıq-aşkar meydanda özünü göstərir. Baxırsan özünü fikirləşir. Belə olan halda nə olacaq?”
Sabiq kapitanın belə fikir bildirməsi yığmada vəziyyətin nə qədər acınacaqlı olduğunu göstərir. Bədavinin qrupunda Ramilgilin olduğunu deyən Maksim, yəqin ki, Bəhlul, Toral, Elvin kimi “Qarabağ”ın futbolçularını da nəzərdə tutur. “Milliləşdirilmiş”, komandada çox oyunçu ilə sıx əlaqəsi olmayan futbolçuları müəyyən qədər anlamaq olar. Amma Bədavi hər şeydən öncə yığmanın kapitanıdı. Kapitanın komandasını başına yığmaq əvəzinə bir qrup futbolçu ilə yaxın olması bəlkə də millinin uğursuzluğunun əsas səbəblərindən biridi. Necə deyərlər, sözün bitdiyi yerdi!
MÜZƏFFƏR QULUZADƏ
Digər xəbərlər
