La Liqanın 30-cu turu sürpriz nəticələrə səhnə oldu. ''Real'' evdə gözlənilmədən ''Valensiya''ya 1:2 uduzdusa, evdə ''Betis''lə 1:1 bərabərə qalan ''Barselona''nın çempionatda 9 oyunluq qələbə seriyası qırıldı.

''Football-plus.az'' xəbər verir ki, ''Valensiya'' 2008-dən bu yana ilk dəfə ''Santyaqo Bernabeu''da qələbə qazandı. Ən heyrət doğuran məqam isə odu ki, ''yarasalar''ın bu mövsüm buna qədər səfər qələbəsi yox idi (14 oyun, 7 heç-heçə, 7 məğlubiyyət)! Sona 8 tur qalmış zirvədə xal fərqi 4-ə yüksəldi.

''Bernabeu''dakı qarşılaşmaya damğa vuran məqamlardan biri Vinisiusun penaltini qaçırması oldu. ''Sambaçı'' 13-cü dəqiqədə Mbappeyə qarşı kobudluğa görə təyin olunan penalti zamanı topun başına keçsə də, ''Valensiya''nın qapıçısı Georgi Mamardaşvili onun zərbəsini dəf etməyi bacardı. Üstəlik bu epizoddan cəmi 2 dəqiqə sonra qonaqlar hesabı açdılar. Vinisius son 1 ayda artıq ikinci dəfə penaltini boşa verdi. Martın ortalarında o, Çempionlar Liqasında ''Atletiko'' ilə səfər oyununda da fürsəti boşa vermişdi.

Ümumilikdə 24 yaşlı futbolçu peşəkar karyerası ərzində yerinə yetirdiyi 12 penaltinin 1/3-ni, yəni 4-nü qaçırıb.

Ümumiyyətlə bu mövsüm ''Real'' penaltiləri dəqiq vurmaq baxımından ciddi problem yaşayır. Madrid nəhəngi 2024/25-də bütün turnirləri nəzərə alsaq, yerinə yetirdiyi 16 penaltinin 11-ni dəqiqə yerinə yetirdiyi halda 5-ni boşa verib. Bu, 2013/14-dən bu yana Madrid nəhənginin ən pis göstəricisidi. Yeri gəlmişkən, dünənki matçın ardından Mamardaşvili maraqlı açıqlama verib. Sən demə Gürcüstan yığmasının qapıçısı penaltidən öncə Vinisius ilə mərc edibmiş: