"Araz-Naxçıvan" ölkə kubokunun yarımfinal mərhələsinin ilk oyunu çərçivəsində "Qarabağ"ı qəbul edir.

"Football-plus.az" xəbər verir ki, meydan sahibləri matçın 28-ci dəqiqəsində Felipe Santosun təyin edilən penaltini dəqiq yerinə yetirməsi sayəsində hesabı açıb. Həmin anda meydandan kənarda diqqətiçəkən hadisə yaşanıb.

Belə ki, Qurban Qurbanov baş hakim Elçin Məsiyevin qenalti qərarına çox kəskin etiraz edib. Təcrübəli mütəxəssis əvvəlcə dördüncü hakim Kamal Umudluya yaxınlaşaraq qərarın ədalətli olmadığını izah etməyə çalışıb. Qarşı tərəfdən müsbət cavab ala bilməyən baş məşqçi texniki zonadakı yerinə qayıdarkən emosiyalarını cilovlaya bilməyib və əlində tutaraq epizodu incələdiyi planşeti təpiklə sındırıb.

Qeyd edək ki, hazırda davam edən matçda Muxtar Respublika təmsilçisi minimal hesabla qalib gəlir.

KƏNAN BAHADIR